SAPUH LEGER

Mesanggar saba peji uduh pisang lalung.

Upakara ring Sanggar Tutuan : Suci asoroh mabebek putih aukud.

Ring Arepan Kelire : Caru ayam biying mabangun urip, malih Sungsang sumbel masiyap 2 ngapit tumpeng, tendasnyane marep tuwun, merasmen kacang komak, banten maraka adulang.

Malih Sapuleger : Tumpeng abungkul matusuk ban carang bingin, masiyap aukud, majatah baga kekalih, mabiyu galahan lebeng matah, mebantal sarwa galahan, mararasmen kacang komak, majijih ketan injin, mekacang komak matah, kewala nyibakin genahnyane, sane lebeng biyunnyane tasak, majaja tabala akedik, nyibakin genahnyane, katipat, tulung cacahan mataledan ban kaping, matatakan baas duang batu tekaning sungsang sumbel dadi anyiyu, makebat saput poleng kadingi-dingi, dadi awadah nyiyu anyar.

Tadah Kala : mataled don tunjung, duwur don tujunge medaging getih ce1eng matah, iwaknya kacang komak, maraka sarwa matah den genep, mawadah dulang.

Ma1ih Kala Mararadan : manasi kuning mawadah takir, maiwak balung gagending, mataluh dadar, maraka den genep. Malih daksina panebus baya maberas 8 catu, manyuh 8, mabuwah bancangan, mabase bancangan, mawadadah sok, metanceb busung 5 katih, nasi warna, matuwak abatol, arak abotol, berem serbat abotol. Banten wayang sane munggah sasantun majinah 1700, daksina majinah 250, lis majinah 11, banyu awang 1, canang maberas saba jinah 66. Sajawaning babanten, wenang kaalap dening Dalang sakuweh sasantun. Genahe maeteh-eteh ngarepin kelir, makamben sudhamala matatakan padi aseet, yan muani kang ginawe wenang sira namping perabot  muwani, yan luh wenang namping perabot luh sami pada anyar.

Dimalukate: toyane masangga antuk kuskusan anyar, soksokan anyar, masibuh pepek. Riwus nibakang toyane, bebantene wenang buncal ring margi agung, sang aduwe karya tan wenang malikang surudan ika, wong waneh wenang olih-olihan ika.

Yan Arep Utama : maguling pebangkit celeng muwani aukud, paras panyeneng katipat tulung, masasayut katututan nagasari, pisang payasan manca warna anut sawarnan tumpeng, matatakan tegteg kampuh agung, tumpeng adanan, magelarsangan mawadah nyiyu anyar, daging ika nasi sasahur iwaknya sasate lembat asem lebeng asibak matah asibak, balung tulang gagending, mararasmen kacang komak, maisin jajeron matah, taluh siap 1, jangan sakawali madaging getih celeng matah, sasaste matah manut urip, marumbahgile, rarumbahe mabejek antuk getih celang raris magoreng, mawadah takir. Calon pulung mawadah takir, raris mawadah pangorengan, malih soroh bebakulan, nasi mawadah pisang maserembeng antuk don, ebatan genep. tuak sakawali arak berem mawadah sujang, ika dadi awadah nyiyu anyar.

Gadebonge Sane Angge Ngawayang : sami magantung pipis 250, benang sami tukelan, sembe 250 mabenang atukel, ring gender sami megantung pipis 250, sami kaalap ring mangku dalang saprateka punika.

Iki hana soring gnean ngaran, gelarsanga bantennya pada ngaran Dewa Butha, Iki piteges panganteb gelarsanga.

Mantra : Om Sang Praja, Sang Detya, Sang Pusehpat i, Sang Dengen, Sang Raksasa, Sang Wil, Sang Kala Karung, Sang Kala Agung, Sang Kala Sabumi, Sang Kala Pajagalan, Sang Kala Udugbasur, Sang Kala Maulu Singa, Si Dewa Yoni sakti, mapupul lintang kabeh, sun tingali baktin ulun rikita. hulun luputa ring lara roga. Om Sang Bang Tang Ang Ing Nang Mang Sing Wang Yang. Om Dewa bicari yanamah, Kala bicari yanamah, Buta bicari yanamah, Akule bicari yanamah, Kama bicari yanamah, Om joko ta singa aku gurumu sarin tahun.

Pangenteg Gelarsanga Mantra : Pukulun tedun saingon-ingon Bethara Pasupati, Buta Ngadang, Berahma turun, Buta putih Buta Janggitan aran sira, Buta Abang Buta Langkir aran sira, Buta Kuning Buta Lembukanya Aran sira, Buta Ireng Buta Karuna aran sira. Buta amancawarna Buta Tigasakti aransira, elingakna buta Sanga, puniki mane maka buktin sira, segah sawakul ulamnya karangan, iwak balung gagending, jangan sakawali sinusunan antiganing sawung anyar, sajeng saguci, enak pada amukti sarining gelarsanga,                manawi wanten kirangan puniki pamopog jinah sampun pada sredah sinampura, ring sang adruwe caru. Om makrem swasmi mahadewa sarwa prani antakara, mamoca sarwa papebyah manadiya namaswaha.