MERAS SENTANA

Sang pacang meras sentana risampun puput puja pengastawan ida pedanda, mangda ngraris mangabakti yayah ibu sang memeras wiadin yayah ibu sang keperas. Wus mangebakti dudusi saprakara kabeh, maka rwang sanak, wus saika raris kenken anake alit sane pacang keperas mabiakala rumuhun, konana maparek ring sang ibu, sane pacang memeras, atalungkup apainga dada. Sang yayah ibu rupaka konana maka saksi, ri wus anembah sang rare pineras, konana sang ibu pacang meras amresihi mpuning jriji suku tangan denapened. Risampun bersih konana anapak kang rare pineras olih mpuning jriji suku tengen amener luwuri selaning lelata kang rare, away ri siwadwra, away anilah, kewala saiki juga krama nira. Wus mangkana nuli dangguru anyaya-nyaya kang rare pineras, wus mangkana anuli margiang pamerasanne, yan bobot napi wawu margiang raris, yan patit ngayab, saksi-saksi mangda cumawis.

Mantrania :

Om pakulun pasang tabe Namasiwaya tan kabeting tulah kalawan carik, anak paduka Bhatari amwit amrasa, Bapa Akasa Ibu Pertiwi, amwit mrasa jaga buwana, amwit amerasa jadma manusa, amwit amrasa tanem tuwuh suket dedawuhan, gangan lalab, palagantang palagantung, salwiring pala kanginan, maka nguni bapa babu, kaki nini yuyut, cangah wareng krepek kumpi, kang maha dewata dewati, maka nguni sira kaki mraja nini mraji, kaki kubayan nini kubayan, kaki panyarikan nini panyarikan, kaki citragotra nini citragotri, kaki penyeneng nini peneneng, kaki bagawan nini bagawan, jumeneng sira ring kahyangan, anyenengan awak sariran ingulun, atinggal ayu anemu ayu, atingal stana anemu stana, atingal bumi anemu bumu, atingal bukti anemu bukti, apan ulun anak sira Bhatara Guru, putunira Sang Hyang Wisesa, wenang anyiutaken angalokaken buwana, apan ulun putusing wenang kabeh.

Om Sang Tabe Namasiwaya. Dulurana ayu werdhi. Telas

Margiang ring rahina pawetuan rare sane pacang kaperas