KARANG PANES

Yaning karang paumahan kerasa apanes, maka cihnaning karang apanes : 

Yan nia katiben kageringan tan petara, gering tan pegat, muang karusuhan dening brangti ngimur kalanan, muang gring kenaning wicara, manusania tan kapirungu ring gamania,wenang sira acaru ring pekarangan luwirnia :

Ngadegang sanggar tutuan ring natar munggah : jotan, kelanan, canang lengewangi, buratwangi, canang gantal, dulurin suci saji, peras rayunan, cane. Ebetania bebek bulu sikep maolah melayang-layang dados 33 tanding, tumpeng carune dananan, daksina, peras penyeneng, tebasan prayascita durmangala, panca kelud, biakawonan, sesantun, lis payuk penglukatan, datengan ayam putih ingolah dadi 5 tanding saha canang daksina penyeneng. Diulun datengane jotan kelanan.

Ring sanggah kemulan : Ngaturang prayascita luwih, peras penyeneng sesantun, tur nunas tirta pamuput caru.

Ring tugune : Maturan jotan kelanan, ring sor nasi wong-wongan putih tur masambleh ayam ireng.

Aturane ring Puseh lan Dalem : Soda lan daksina tur nunas tirta pamuput caru

Iki mantrania : Ih ki Bhuta Jigramaya, marupa manca warna, kita ratuning Bhuta Kala Dengen, meanak I Pamali Pulung Raksa, I Under Andir, eka dasa rowang ira, kita angawe kapanjingan Hyang Lalah, kasandering gelap, katiben amuk, kalebon amuk, kasiratan rah, saluwiring cuntaka baya, kapunah denira Sang Bhuta Jigramangsa. Om Ang ksama sampurna ya namah, Sa Ba Ta A I Na Ma Si Wa Ya, Om Am Um Mam.