NYUCIANG PANAK BEBINJAT

Yan arep sama lawan sujana nganuting tata kramaning rat wenang mawidhi widana ring Sanggah Kemulania, kewastonakna denira sang maha pandita, yan tan sang Maha Pandita, Mangku Kahyangan Tiga wenang, nging aywa tang ngangge tirtha nira Sang Pandita muang tirtha ring Kahyangan Tiga.

Nihan tingkahing bebantenia :

Ring sor bayuan 5 ngiyu, genah nia manca desa, kangin putih me be siap putih, klod barak me be siap biing, kauh kuning me be siap putih me bungut kuning, kaja selem me be siap selem, tengah brumbun me be siap brumbun, nasi magulung 2 gulung, me be hati saunduh, getih mawadah takir, canang pada atanding, mesesari jinanh pada me 11 keteng, malih segeh agung, benang pipis, seantun 1, masamleh siap samalunglung, pabyakaona saha tetimpug, tebasan prayascita 1

Tetandingania :

Nasi sasah mepekir, masusun tulung urip, disisine tulung sangkur 7, penek lanying 7, tipat kukur 7, tetanceb 7, kwangi 7, pada maileh genahnia, saha raka-raka, lis senjata dening busung nyuh gading, bungkak nyuh gading makasturi 1, lis senjatane megantungan pipis 11, tatebasan pamia kala 1, pamoga kala 1, tancebakna sanggah tutuan munggah : suci asoroh saha runtutannia

Ring sanggah kemulannia munggah : suci asoroh saha runtutannia, sasayut guru kemulan tetandingannia : alednia saliwah, nasinia tumpeng agung 1, poleng, mapucak taluh bebek lebeng 1, saha raka-raka sarwa galahan, maulam siap putih me be tutu, ring arepan sang nganteb payuk dandang 1, misi yeh anyar ekalung benang akulak, pipis 225, kukusan anyar, misi dwi-dwi, jinah 25, lis gede 1, sibuh pepek, isu-isu tepung tawar, kayu tulak kayu sisih, samsam don temen, beras kuning, asaban cenana merik, lengis miyik, base tulak, taluh siap, pipis 2, canang gede, sari jinah 33 keteng, peras santun sarwe 2, canang ajengan, tipat kelanan maulam taluh bebek lebeng 1, perase maulam sipa mapanggang, sesarin peras 25, tipat kelanane sesari 33, sesarin sesantun 500, nganteb ring sanggar areping kemulan, bantene beten masuci asoroh